Dorëhiqet Di Matteo

Përvoja e Roberto Di Matteos te skuadra e Schalkes mbeti e shkurtër. Ekipi gjerman ka njoftuar se 44 vjeçari është larguar nga skuadra dhe nuk do të jetë më pjesë e saj.

Duke folur në lidhje me këtë çështje, Di Matteo tha se ka bërë një bisedë me drejtorin sportiv, Horst Heldt, për t’i diskutuar planet për stinorin e ri dhe si rrjedhojë është vendosur që palët t’i ndajnë rrugët duke besuar që kjo do të jetë një zgjedhje më e mirë.

Trajneri italian erdhi në krye të ekipit nga Gelsenkirchen në fillim të stinorit dhe e përfundoi kampionatin në pozitën e gjashtë, duke siguruar një vend për Europa League.