Gimenez për fitoren e Uruguajit

Në ndeshjen e parë të ditës së dytë të Botërorit të Rusisë, Uruguaji shënoi fitore me mjaft mund ndaj Egjptit, përfaqësuese kjo që luajti mjaft mirë, mirëpo në fund u detyrua të pajtohet me humbje dhe të largohet pa pikë nga fusha.

Të hendikepuar pa liderin Mo Salah, i cili ishte në bankën rezervë pasi që nuk ishte plotësisht i gatshëm për shkak të lëndimit të pësuar në finalen e Ligës së Kampionëve, Egjipti nuk rrezikoi shumë në fazën ofansive, mirëpo u tregua skuadër tejet vigjilente në fazën mbrojtëse për afro 90 minuta, mirëpo një shpërqëndrim në mbrojtje pak para përfundimit të ndeshjes i kushtoi ‘faraonëve’, me mbrojtësin Jose Gimenez që shënoi me kokë dhe ia dha fitoren skuadrës së tij.

ORARI DHE TABELAT - RUSSIA 2018

Para golit të shënuar, Uruguaji rrezikoi disa herë, ndërsa për t’u veçuar janë disa shpërdorime të Luis Suarezit dhe një shtyllë e goditur nga Cavani përmes gjuajtjes së lirë.

DITARI RUS - DITA E PARË

Kështu, pas rrethit të parë në Grupin A, Rusia dhe Uruguaji prijnë me nga 3 pikë, ndërsa Egjipti e Arabia Saudite mbesin pa pikë.