Gjen ekip menjëherë

Nesër Lucio do t’i prezentohet tifozëve të ekipit të tij të ri. Ai tashmë do të jetë lojtar i ri i Sao Paulos së Brazilit.

Mbrojtësi 34 vjeçar me përvojë të madhe në kombëtare dhe në ekipe të mëdha europiane si Bayer, Bayern, Inter e Juventus, pas lënies anash nga këta të fundit i është kthyer atdheut.

“Një lojtar me kualitetet e tija vetëm se do të mund të na ndihmojë me përvojën e tij dhe do të na bëj edhe më të fortë në gara ndërkombëtare,” ka thënë zëvendës kryetari i Sao Paulos, Joao Paulo de Jesus Lopes, për faqen zyrtare të klubit brazilian.

Lucio ka 105 paraqitje me kombëtaren braziliane si dhe një titull të kampionit botëror të fituar në vitin 2002.