53
Gjibraltari në UEFA
24 May, 2013 @14:06
Gjibraltari, një vend që spanjollët e quajnë edhe ‘Gur’ për shkak të shkëmbit që shihet nga çdo anë, është pranuar me të drejta të plota në UEFA sot.
Ky vend që ka vetëm 30 mijë banorë tash e tutje do të ketë të drejtë të paraqitet sikurse çdo shtet tjetër anëtar i UEFA-së, në të gjitha garat e saja.
Gjibraltari që është koloni angleze, prej 1 tetori i vitit të kaluar ka qenë si anëtare e përkohshme e UEFA-së pas vendimit të CAS-it (Gjykata Arbitrare Sportve), ndërsa tash e tutje kanë fituar të gjitha të drejtat.
Ata në miqësoret e fundit të luajtura kanë shënuar fitore ndaj San Marinos dhe Ishujve Faroe, duke treguar se së paku mund të luajnë mbi nivelin e tyre. Spanja kishte kundërshtuar në nivelin më të lartë shtetëror pranimin e Gjibraltarit në UEFA, bile kishte kërcënuar me bojkot të garave europiane nga Real Madrid dhe Barcelona (dy klubet më të mëdha spanjolle) - por asgjë nuk piu ujë. Gjibraltari hyn para Kosovës në UEFA, derisa tanët mbesin në shpresa.
