Gjithçka mirë përveç fundit

Në finalen e Ligës së Kampionëve në të cilën u përballën dy skuadra gjermane, Bayern Munchen dhe Borussia Dortmund, fitores dhe titullit i’u gëzua ekipi bavarez, Bayern.

Pas ndeshjes, megjithëse trajneri i Borussia Dortmundit, Jurgen Klopp, tha se është ndarë i kënaqur me lojën e skuadrës së tij, mirëpo rezultati final nuk ishte i kënaqshëm.

“Londra është një qytet i mrekullueshëm. Atmosfera, ndeshja dhe gjithçka ishte e për mrekulli, përveç rezultatit. Nuk është me rëndësi si humbëm, e rëndësishme është që humbëm. Futbollistët tanë kanë bërë një punë të përkryer. Sot do të kishim mundur të fitonim, mirëpo megjithate u treguam se jemi kundërshtar i denjë. Tani kemi nevojë për pak pushim, por njëkohësisht do të jemi aktiv edhe në transferime dhe në vitin tjetër përsëri do të jemi në këtë nivel të konkurrencës,” tha Klopp pas ndeshjes.