ARRIHET MARRËVESHJA
Gjykatësi vendos për ditët e LaLigas
9 August, 2019 @17:02
La Liga dhe Federata e Futbollit e Spanjës kanë arritur marrëveshje përfundimtare sa i përket orarit të ndeshjeve për sezonin e ardhshëm të La Ligës. Dy palët janë pajtuar që të ketë ndeshje të premteve, por jo të hënave.
Gjykatësi, Adres Sanchez Magro, e mori këtë vendim, në mënyrë që të dy palët të takohen në një mes të artë. Federata dëshironte që të mos zhvilloheshin fare ndeshje të premteve dhe të hënave, ndërsa La Liga dëshironte që të ketë ndeshje në të dyja këto ditë.
Gjykatësi ka vendosur që ndeshjet që janë caktuar të mbahen të hënave, do të mbahen në fundjavë.
Përndryshe sezoni i ri i La Ligës do të nisë më 16 gusht, të premten, në orën 21:00, me ndeshjen mes Barcelona dhe Athletic Club në “San Mames”.
