Gojani: I kënaqur me lojtarët, mund të rikthehemi në Superligë

Përveç Lindemannit, për mediat e Supersportit foli edhe Arsim Gojani, kryetrajneri gjakovar.

“Mund të them që Vëllaznimi ishte pa fat në këtë takim. Prishtinës i uroj fitoren, janë një skuadër shumë e mirë, mirëpo sot Vëllaznimi luajti shumë mirë dhe u penalizuam nga moskonkretizimi i rasteve.

Finalizimi na mungoi dhe penalltia e hershme e Prishtinës ishte vendimtare sot.

Ishin kushtet e vështira, por jam i kënaqur me angazhimin dhe luftën që skuadra e tregoi deri në fund. Duke e parë këtë punë dhe kalendarin e favorshëm, besoj plotësisht që mund të rikthehemi në Superligë.” - ishin fjalët e Gojanit pas eliminimit.