1/4: ROMA - BARCELONA
Si gladiatorë, Roma deklason Barcelonën
10 April, 2018 @22:34
Në ndeshjen që nuk mori vëmendje sa duhet për shkak të fitores 4-1 të Barcelonës në takimin e parë, Roma ka shkaktuar super-befasi, duke e deklasuar skuadrën spanjolle dhe duke e arritur gjysmëfinalen e Ligës së Kampionëve.
Skuadra romake sonte zhvilloi një ndeshje fantastike në çdo aspekt, duke e arsyetuar plotësisht rezultatin e arritur, ndërsa për golat u përkujdesën Dzeko, De Rossi dhe Manolas.
Kjo humbje dhe ky eliminim i papritur vijnë si një ‘bombë’ për Barcelonën, e cila po kalonte një sezon fantastik në tri fronte, ndërsa në anën tjetër për Romën kjo është gjysmëfinalja e dytë në Champions League në komplet historinë e klubit.
