SPOX

Shënjestër e Liverpoolit!

10 April, 2018 @16:47

Lajmi që vjen nga Austria, mund të befasojë, por duket të jetë i vërtetë, pasi që ekipi nuk e mohoi atë.

Valon Berisha, reprezentues i Kosovës dhe futbollist i Salzburgut, është në shënjestër të ekipit të Premier Ligës, Liverpool!

“Jemi të fokusuar në ndeshje ndaj Lazios në kuadër të Europa Ligës dhe kemi gjëra më të rëndësishme aktualisht, mbrojtja e titullit dhe e Kupës,” ka qenë ndër të tjera përgjigjja e Salzburgut, shkruan spox.com sot, kur u pyet për vërtetësinë e interesimit të Liverpoolit për Valonin.

Faqja në fjalë, ditë më parë kishte raportuar se paraqitjet e këtij stinori të Valon Berishës, posaçërisht ajo që eliminoi Dortmundin në Europa Ligë, i ka rënë në sy Jurgen Kloppit dhe shihet si mundësi transferimi për të kuqtë e Anfield Road.

Liverpool është duke kërkuar që të ketë sa më shumë opcione në mesfushë për të bërë ekip që synon titullin e kampionit në Angli, e ardhja e Naby Keitas në verë si dhe potencialisht e Valon Berishës, mund të bëj ekipin nga Anfield Road konkurrent.