Guarin vulos fitoren, Inter afër Europës

Inter ka arritur të shënojë fitore shumë të rëndësishme sot ndaj Parmës si mysafir. Neroazzurrët arritën që të mposhtin Parmën 2-0 në Ennio Tardini me anë të golave të shënuar nga Rolando dhe Freddy Guarin. 

Ndeshja praktikisht ka qenë sikurse Play-Off për të dalë në Europa League stinorin e radhës, derisa të dyja skuadrat kishin më së shumti gjasa për gara europiane. 

Golat e Interit erdhën në pjesë të dytë të takimit, ku Parma gjatë gjithë kësaj pjese të lojës luajti me dhjetë lojtarë pasi që Gabriel Paletta u ndëshkua me kartonin e dytë të verdhë në minutën e 46-të të takimit. 

Kahja e ndeshjes do të ishte ndoshta krejt tjetër po ta kishte shënuar Antonio Cassano penalltinë për Parmën në fund të pjesës së parë të takimit. 

Rezultatet dhe tabela aktuale.