Haaland tregon cilësitë, kampioni fiton ndaj West Hamit

Se sa shumë i kishte munguar Cityt një sulmues tipik sezonin e kaluar, u pa sot në ndeshjen e parë të Cityt në Premier Ligë për këtë sezon.

Norvegjezi Erling Haaland ishte fantastik, duke shënuar dy herë, për t’ia dhuruar Cityt një fitore 0-2 në udhëtim te West Hami në Londër.

Të parin gol Haaland e shënoi nga penalltia e fituar vet, e të dytin pas asistimit nga belgu De Bruyne.

MANCHESTER UNITED VS. BRIGHTON - RAPORTI I NDESHJES

Në anën tjetër, West Hami humbi portierin Fabianski për shkak të lëndimit në minutën e 29’, ndërkohë që debutoi i ardhuri Scamacca, i inkuadruar gjatë pjesës së dytë.

Te City debutuan Julian Alvarez, sulmues që premton shumë dhe mesfushori i ardhur nga Leeds, Kalvin Phillips.

Xhiron që vjen, City e pret Bournemouthin e Scott Parkerit në shtëpi, kurse West Hami i shkon Nottinghamit.