Hasit i përfundon misioni te Olympiacos

Pas humbjes së djeshme nga AEK në derbi, trajneri gjakovar Besnik Hasi është shkarkuar nga detyra e trajnerit të Olympiacosit, ku u zyrtarizua këtë verë.

Pas vetëm 5 xhirove të para në kampionatin grek, Hasi u largua nga detyra e tij, për shkak të rezultateve jo të pritura nga kryesia e klubit edhe pse kjo ishte vetëm humbja e parë e tij në Superligën greke.

Olympiacos udhëhiqte 0-2 në ndeshje, ndërsa në fund u mposht 3-2 nga AEK-u që mori lidershipin e kampionatit.

Në vend të Besnik Hasit, Olympiacos sot ka emëruar shef të shtabit teknik grekun, Takis Lemonis.

Olympiacos ka humbur edhe ndeshjen e parë në fazën grupore të Ligës së Kampionëve nën drejtimin e Hasit, kur u mposht nga Sportingu i Lisbonës në Athinë 2-3.

Duelin e radhës, ata e zhvillojnë ndaj Juventusit si myasafir në Torino.