Heroi Greenwood, rekord i ri në futbollin anglez

3 pikë dhe rekord i ri në futbollin anglez për Manchester Unitedin sot!

Në ndeshjen e tij të 100-të si trajner i Manchester Unitedit në Premier League, Ole Gunnar Solskajer iu gëzua tri pikëve, ndonëse ndeshja e sotme ndaj Wolves kaloi me mjaft vështirësi. Porta e Unitedit u shpëtua në dy-tri raste nga De Gea kur rezultati ishte i bardhë, e për fitore u përkujdes Mason Greenwood me një gol në minutën e 80’. Në fund, ndeshja u mbyll 0-1.

Asistues te goli i United ishte Raphael Varane, i cili debutoi sot dhe pati një paraqitje të shkëlqyeshme.

Fitorja e sotme bën që United tashmë të ketë 28 ndeshje radhazi në ndeshjet e Premier Leagues jashtë shtëpisë. Ky është një rekord i ri në futbollin anglez, pasi që deri më tash këtë rekord e mbante Arsenali me 27 ndeshje radhazi pa humbje.

Pas pushimit të kombëtareve, United do ta ketë në dispozicion edhe Cristiano Ronaldon, që u zyrtarizua si transferi më i ri i 20-herë kampionit anglez pak ditë më parë.

Kështu, United pas 3 ndeshjeve të para në Premier League ka 7 pikë, kurse Wolves mbetet ende pa pikë.