Historitë e shortit të sotëm

Me ethe, si gjithnjë, Liga e Kampionëve tanimë ka të ditura çiftet që do të dalin përballë njëra tjetrës në pranverë, në të tetën e finales. 

Super përballje janë cilësuar menjëherë ato ndërmjet Paris St Germain - Chelsea dhe Manchester City - Barcelona, por gjithçka nuk përfundon këtu dhe vend për befasi ka gjithnjë. 

Përsëritjet

Paris St Germain është takuar në çerekfinale të stinorit të kaluar të Ligës së Kampionëve me Chelsean. Francezët janë eliminuar në saje të rregullit të golit si mysafir, pasi që kishin mposhtur Chelsean 3-1 në Paris, derisa kishin humbur 2-0 në Londër. Koha për hakmarrje?! 

Manchester City ka qenë kundërshtar i Barcelonës në të tetën e finales edhe stinorin që shkoi, derisa Barcelona kishte fituar të dyja ndeshjet. Sergio Aguero kësaj radhe do ta pret Barcelonën ndryshe?! 

Njoftohen

Derisa Shakhtar - Bayern dhe Basel Porto, nuk janë takuar asnjëherë në mes vete në Europë, pritet që mysafirët e ndeshjeve të para të kalojnë lehtë në fazën e radhës. 

Bayer Leverkusen dhe Atletico Madrid kanë barazuar në fazën grupore të stinorit 2010/11 në dy ndeshjet mes vete. 

Historitë e dhimbshme

Juventus që do ta pres Borussia Dortmundin, e ka të humbur finalen e vitit 1997 nga gjermanët 3-1. Por, Juventus ka pasur bilanc më të mirë se Dortmundi në finalet e Kupës UEFA të vitit 1993. 

E Schalke ende e ka të freskët kujtimin nga stinori i kaluar, në të njejtën fazë. Real Madrid e kishte mposhtur keq në të dy ndeshjet, 6-1 dhe 3-1, derisa Cristiano Ronaldo kishte shënuar katër herë. 

CHAMPIONS LEAGUE, Shorti: