Penalltitë çojnë Tulipanët përpara

Holanda ka arritur që të shkojë në gjysmëfinale të Botërorit vetëm pas penalltive. Ka qenë një taktizim i Louis Van Gaalit që në minutën e fundit të kohës shtesë ka ndërruar portierin e papunë gjatë 120 minutave Cillessen me Tim Krulin, që ka vendosur në ekzekutimin e 11 metërshave. 

Portieri Krul ka arritur që të mbrojë 2 penallti, për të çuar Tulipanët e stërmunduar gjatë ndeshjes në gjysmëfinale. Në anën tjetër holandezët kanë qenë 100% të saktë nga penalltitë. 

Nëntëdhjetë minutat e kohës së rregullt të ndeshjes nuk mjaftuan për të gjetur gjysmëfinalistin e fundit të Kampionatit Botëror. Yll i këtyre minutave ka qenë padyshim, porteri fantastik i kostarikanëve, Keylor Navas, i cili ka mbrojtur gjithçka çka tentuan Tulipanët. 

As Robin Van Persie, e as Arjen Robben bashkë me shtyllën e gjuajtjes së lirë nga Wesley Sneijder - nuk arritën që të prekin rrjetën e ekipit heroik sonte. 

Në anën tjetër, Kosta Rika, nuk ka pasur ndonjë rast të veçantë për të rrezikuar portën e Jesper Cillesenit të Holandës gjatë 90 minutave të kohës së rregullt. Kjo ishte ndeshja e vetme çerekfinale që nuk gjeti fitues në kohën e rregullt. 

Në vazhdime, tregimi ishte i njejtë. Dominim total i holandezëve karshi heronjëve kostarikan, të udhëhequr nga portieri Navas. 

Tani, fituesi i kësaj ndeshjeje pas penalltive, do të luaj në gjysmëfinale ndaj Argjentinës. 

Skema

PENALLTITË: