I pakënaqur nga lojtarët

Disfata nga Evertoni të shtunën ka lënë QPR-në dhjetë pikë larg shpëtimit, që ka shtyrë trajnerin e skuadrës, Harry Redknapp, të thotë se lojtarëve të tij u mungon cilësia mentale për luftë kundër rënies nga elita. 

“Ju thoni që kemi lojtarë të talentuar, por a janë ata të talentuar? Nuk e di,” u ka thënë ai reporterëve. 

“Kemi lojtarë me përvojë, por çfarë na duhet është grupi i karakterëve të mirë, një grup i mirë i njerëzve që zgjedhin problemet.” 

QPR ka humbur ndeshjen ndaj Evertonit të shtunën 2-0 dhe gjinden në pozitën e parafundit me 24 pikë. Aston Villa, që është ekipi në vendin e 17-të, të cilin po e synon QPR-ja ka 34 pikë. 

Deri në fund të kampionatit renxhersët e Redknappit kanë edhe pesë ndeshje për t’i zhvilluar.