I pazëvendësueshëm

Manchester United edhe zyrtarisht bëri të ditur se trajneri/menaxheri i tyre, Sir Alex Ferguson, do të pensionohet në fund të stinorit. 

Trofetë e shumtë e fituar me klubin dhe thyerja e rekordit të titujve të cilën e mbante Liverpooli, vlerësohen ndër më të rëndësishmet në karrierën e tij. 

Sir Alex do të pensionohet nga detyra e trajnerit të Manchester United në moshën 71 vjeçare dhe do të kalojë në një funksion në bordin e klubit. 

Falenderimet për atë që i ka sjellë ai futbollit dhe sukseset e tija kanë kaluar botën e futbollit, ku janë adresuar shkrime edhe nga funksionarë të shtetit. 

Ndërsa, shefi ekzekutiv i Manchesterit, David Gill, ka thënë se të punosh me Fergusonin është privilegj. 

Sir Alex ka fituar çdo trofe të mundshëm me Manchester Unitedin në futbollin botëror.