Ia kalon Gerrardit

Vera e kaluar në Napoli me ekipin e tij të ri dhe dy paraqitjet e para të Marek Hamsikut me Napolin në fillimstinor 2013/14 të Serie A, kanë qenë të mjaftueshme për të bindur strategun e njohur spanjoll, Rafael Benitez, se sllovaku Hamsik është më i mirë se anglezi Steven Gerrard.

“A është Hamsiku si Gerrardi? Ata janë dy futbollist të ndryshëm. Hamsik nuk e ka fuqinë e Gerrardit, por e ka më të zhvilluar inteligjencën taktike se Gerrard,” ka qenë përgjigjja e dhënë e Benitezit dje pas fitores së Napolit në Chievo, në konferencë për shtyp. 

Benitez nuk është trajneri i parë që vë në pyetje aftësitë taktike të Gerrardit. Edhe ish trajneri i Italisë, Arrigo Sacchi ka pohuar më parë se kapiteni i Liverpoolit i ka të gjitha atributet fizike për të qenë futbollist, por nuk ka sensitivitet të lartë për të qenë super futbollist.