GRUPI C
REUTERS
Ibra feston 100-shin me gol
27 November, 2013 @23:25
Zlatan Ibrahimovic ka festuar me gol paraqitjen e 100-të të tij në Ligë të Kampionëve në fitoren që e shënoi ekipi i tij ndaj Olympiacosit 2-1.
Me këtë fitore Paris St Germain ka siguruar vendin e parë në grup, derisa Ibra i është bashkuar edhe 17 emrave të famshëm në Ligë të Kampionëve me mbi 100 paraqitje.
Mysafirët nga Greqia në Parc des Princes barazuan në minutën 80-të të ndeshjes dhe kur menduan se po nxjerrnin një pikë tejet të vlefshme, ishte transferi 60 milionësh, Edinson Cavani, që i dha fitoren parisienëve.
Në ndeshjen tjetër të grupit Benfica ka shënuar fitore të madhe në Belgjikë sonte duke e mposhtur Anderlechtin dhe për t’i shtuar gjasat për kualifikim përkundër se e pret Parisin në ndeshjen e fundit, e Olympicos luan ndaj Anderlechtit të eliminuar.
TABELA AKTUALE GRUPI C:
| 1 | Paris St Germain | 13 pikë | ||
| 2 | Olympiacos | 7 pikë | ||
| 3 | Benfica | 7 pikë | ||
| 4 | Anderlecht | 1 pikë |
