Ibra maestral në fitoren e radhës

Maestro Zlatan Ibrahimovic ka vazhduar me magjinë e tij futbollistike sot. 

Ai ka qenë protagonisti kryesor i fitores së Paris St Germain ndaj Bastias në Armand Cesari 0-3 sot. Suedezi me origjinë boshnjake ka shënuar golin e parë të ndeshjes, derisa ka asistuar në dy të tjera të shënuara nga argjentinasi Ezequiel Lavezzi. 

Bile, njëri nga asistimet ka qenë në stilin e tij ‘të arteve marciale’ që ka bërë të aplaudojë edhe publiku vendas në Bastia. 

Fitorja e sotme ka qenë numër 20 për parisienët, të cilët me një humbje të vetme në Ligue 1 vazhdojnë me hapa të sigurta rrugën drejt mbrojtjes së titullit. 

Rezultatet dhe tabela aktuale.