Ibraimi mban baraspeshën

Ndeshja e parë e xhiros 33-të në Serie A, ndërmjet Sassuolos dhe Cagliarit, përfundoi me rezultat të barabartë 1-1, ndërsa në te kishte gisht edhe mesfushori shqiptar, Agim Ibraimi.

Vendasit kaluan të parët në epërsi me golin ​e Simone Zazas në minutën 36’, gol ky i cili doli të jetë i vetmi gjatë pjesës së parë.

Me të filluar pjesa e dytë, përkatësisht në minutën e dytë të saj, gjyqtari i ndeshjes akordoi penallti në të mirë të Cagliarit, ndërsa nga pika e bardhë i saktë ishte mesfushori shqiptar nga Maqedonia, Agim Ibraimi.

Në këtë ndeshje Ibraimi u aktivizua për herë të pesë si titullar në Serie A për këtë stinor, derisa goli i tij ishte i dyti në kampionat.

Ky barazim megjithëse nuk i konvenoi asnjërës palë, më shumë e ‘preku’ skuadrën e Sassuolos, e cila vazhdon të luftojë për mbijetesë.

Tabela aktuale në Serie A.