Talentët e Prishtinës në Standard Liege

Bashkëpunimi ndërmjet klubit të Prishtinës me atë belg, Standard Liege, pritet t’i jep rezultatet e para. Kjo pasi që tre futbollistë nga Prishtina do të udhëtojnë në Belgjikë për t’u sprovuar te kampioni i shumëfishtë belg.

Ndërsa futbollistët me fat, për të cilët ka dhënë pëlqimin e tij edhe skauti i Standard Liege-it, Roland Duchatelet, janë Lorik Aliu (18 vjeç), Emir Sahiti (16 vjeç) dhe Edon Zhegrova (15 vjeç).

Në njoftimin nga klubi bardhekaltër thuhet se Lorik Aliu do të provohet nga data 25 prill deri më 12 maj, ndërsa Emir Sahiti dhe Edon Zhegrova do të sprovohen nga data 10 prill deri më 21 prill.

Ftesa zyrtare për t’i sprovuar talentët prishtinas është bërë nga drejtori sportiv i Standard Liege, Jean-Francois de Sart.