LAZIO
Ikin mbrojtësit
12 February, 2013 @8:45
Çifti mbrojtës i Lazios, Luis Cavanda dhe Modibo Diakite, të cilëve u skadon kontrata me Lazion në qershor 2014, respektivisht, qershor të vitit 2013, vështirë se do të mbeten në klub.
Kështu ka thënë shqiptari Igli Tare, i cili është drejtor sportiv i klubit romak.
“Lazio ka bërë gjithçka të mundshme për të rinovuar kontratën me këta të dy, mirëpo situata ndryshoi, morri një kahje tjetër dhe tash nuk dihet se çka do të ndodhë,” u ka thënë Tare mediave italiane.
Lazio që po kalon formë të mirë këtë stinor, është duke luftuar për një vend që dërgon në Ligën e Kampionëve. Aktualisht është në vendin e tretë të renditjes së Serie A-së.
