Interi dramatik

Andrea Ranocchia ia ka sjellë Interit kualifikimin në minutën e fundit të lojës shtesë për në gjysmëfinale të Kupës së Italisë. 

Interi ka pasë gjithçka në dorë deri në dhjetëminutëshin e fundit të rregullt të ndeshjes. Së pari kolumbiani Freddy Guarin që po tregon performanca të mira në këto javë ka shënuar për 1-0 në pjesën e parë, ndërsa u duk që argjentiasi Rodrigo Palacio ia dha goditjen e fundit ekipit afër Adriatikut, me golin e tij në minutën e 77. 

Mirëpo, djelmoshat e Stefano Piolit nuk u dorëzuan, duke barazuar shpejtë-e-shpejtë epërsinë e arritur të neroazzurrëve. Së pari Alessandro Diamanti shënoi për të ulur epërsinë në minutën e 80, e pastaj edhe Manolo Gabbiadini pas vetëm katër minutave barazoi rezultatin për të dërguar ndeshjen në vazhdime. 

Përveç Interit, deri më tani gjysmëfinalet i kanë siguruar Lazio dhe Juventus, ndërsa nesër do të kuptohet gjysmëfinalisti i fundit, pas duelit Fiorentina - Roma që zhvillohet në Firencë. 

REZULTATI: 

Inter - Bologna 3-2 (Guarin 34, Palacio 77, Ranocchia 120 - Diamanti 80, Gabbiadini 84)