Premton shpenzime

Politika e zhvillimit të futbollistëve të rinj dhe fitimit të shumave të mëdha nga shitja e lojtarëve kyq ka frustruar shumë tifozë të Arsenalit gjatë këtyre viteve. 

Mirëpo, si duket këtyre ditëve i ka ardhur fundi. Së paku kështu ka thënë shefi i këtyre punëve në Arsenal, kryetrajneri françez Arsene Wenger. 

“Plani është ky. I mbajmë të gjithë lojtarët që i kemi dhe do t’i shtojmë edhe dy të tjerë. Do të shpenzojmë shumë,” ka thënë Wenger për Al Jazeeran sot. 

“Ne kemi shkurtuar shpenzimet për shkak të pagesës së stadiumit. Shikoni klubet tjera, të gjitha janë në borxh, asnjëra s’e ka paguar stadiumin e vetë ende. E ne kemi mbetur me më të fortit. Po, nuk kemi fituar trofe, por gjithmonë matemi me më të fortit dhe jemi në Europë. Tash jemi të fortë financiarisht dhe mund të shpenzojmë,” ka shtuar Wenger gjatë bisedës me kanalin e lartëpërmendur.