Islanda me vetëbesim

Ndeshja që është përshkruar nga mediat islandeze si më e mira në histori të kombit të tyre, ku ishullorët kanë arritur që të barazojnë prej 4-1 në 4-4 ndaj Zvicrës së fuqishme, i ka dhënë edhe më shumë motiv islandezëve për ndeshjen e sontme ndaj Shqipërisë. 

Tani Islanda pret që të merr pozitën numër dy në grup, që të shkojë potencialisht në botëror përmes barazhit. 

“Ky rikthim na jep vetëbesim të madh për ndeshje ndaj Shqipërisë sonte,” ka thënë sulmuesi i Bruggeit, Eidur Gudjohnsen, që më parë ka bërë karrierë te ekipet si Chelsea, Barcelona, Monaco, Tottenham, etj. 

Islanda që po udhëhiqet nga trajneri me përvojë suedez Lars Lagerback, është përfaqësuesja e vetme që i ka shkaktuar humbje Shqipërisë në Qemal Stafa gjatë këtyre kualifikimeve.