SUPERLIGA
Llamkos Kosova ngjitet në krye
8 September, 2013 @19:09
Skuadra nga Vushtrria, Llamkos Kosova, është renditur në krye të tabelës së Raiffeisen Superligës pas ndeshjeve të javës së katërt.
Vushtrriasit u ngjitën në krye pasi e mposhtën Besën në stadiumin Shahin Haxhiislami në Pejë me rezultat 1-2.
Golat për ekipin fitues i shënuan Semir Zeneli dhe Labinot Osmani, derisa për pejanët realizator ishte sulmuesi veteran, Haxhi Zeka.
Shqipërim Kelmendi hat-trick në Skenderaj
Në Skenderaj u zhvillua ndeshja me më së shumti gola, në të cilën u shënuan 5 sosh, ndërsa fitore shënoi Drita me rezultat 2-3 ndaj Ferronikelit.
Futbollisti i gjilanasve, Shqipërim Kelmendi, shënoi të tre golat për fituesit, derisa Fatih Karahoda dhe Haxhi Shala u përkujdesën për ngushtimin e epërsisë së Dritës.
Në dy ndeshjet tjera, fitore regjistruan skuadrat vendase. Trepça ‘89 fitoi me rezultat minimal 1-0 ndaj Drenicës me golin e Fetim Kasapit, kurse Ferizaj fitoi ndaj Hajvalisë me rezultat 2-1.
Tabela aktuale, rezultatet e javës dhe xhiroja e radhës.
