Italia gjen trajnerin e ri

Me Antonio Conten që do të jetë trajner i Chelseat nga fillimi i sezonit të ardhshëm, kombëtarja italiane duket se e ka gjetur trajnerin e ardhshëm.

Sky Sports Italia raporton që trajneri i ri i Azzurëve do të jetë Giampiero Ventura, momentalisht trajner i Torinos. Po ashtu, thuhet që ndihmës i Venturas do të jetë mbrojtësi legjendar italian, Fabio Cannavaro.

Lajmi nuk është zyrtar ende, ndërsa ndër emrat e përmendur për marrjen e postit të trajnerit tek Azzurët është edhe Gianni De Biasi, kryetrajneri i Kombëtares Shqiptare.