Jam nga Kosova!

Futbollisti 22 vjeçar i skuadrës belge, Standard Liege, Astrit Ajdareviç, edhe njëherë është deklaruar me mburrje se rrënjët e tij janë nga Kosova. Mesfushori organizator nëpërmjet Twitterit ka reaguar ndaj gazetës belge, Nieuwsblad, pasi ishte përmendur se prejardhja e tij rrjedh nga Bosnja.

“Sapo e vërejta se Nieuwsblad ka shkruar se i kam rrënjët nga Bosnja. E vërteta është se unë jam nga Kosova dhe mos besoni në çdo gjë që shkruhet,” ka cicëruar në gjuhën angleze kosovari me nënshtetësi suedeze.

Astriti në Standard Liege është transferuar në korrik të këtij viti nga skuadra Norrkoping dhe ka luajtur në 32 ndeshje me ekipin belg duke realizuar 4 gola dhe 5 asistime.

Më parë ai ka luajtur edhe për skuadra të ndryshme si Liverpool, Leicester City dhe Orebro.