Januzaj rinovon me Unitedin

Talenti 18 vjeçar me prejardhje nga Kosova, Adnan Januzaj, ka nënshkruar kontratën e tij të parë profesionale.

Sipas kësaj kontrate, Januzaj do të mbetet në Old Trafford deri në vitin 2018, duke i hedhur poshtë kështu spekulimet e shumta për ndonjë largim të mundshëm të tij drej Barcelonës, Bayern Munchenit etj.

“Që nga dita e parë kur kam ardhur këtu, talenti i Adnanit më ka mahnitur. Balanci i tij në fushë, krijimi i rasteve dhe driblimi i kundërshtarëve janë në nivel shumë të lartë për një futbollist të moshës së tij,” tha kryetrajneri i Manchester Unitedit, David Moyes, me rastin e nënshkrimit të kontratës së re nga Adnani.