Leverkusen lider në Bundesligë

Aspirinët e Leverkusenit kanë shfrytëzuar më së miri mundësinë e ndeshjes së parë të xhiros së nëntë në Bundesligë, për të shënuar fitore ndaj Hoffenheimit si mysafir dhe për të marrë epitetin e liderit të ligës. 

Ekipi i udhëhequr nga finlandezi, Sami Hyppia, ka vazhduar me formë të mirë dhe nuk ka pasur probleme të mëdha për të arritur te fitorja. 

Mesfushori Sidney Sam në pjesë të parë dhe sulmuesi Steffan Kissling në pjesë të dytë (shiko videon) kanë shënuar nga një gol për fitoren 1-2 të Bayerit. 

Hoffenheim pas pranimit të dy golave ka dështuar të shënojë nga penalltia nëpërmjet brazilianit Roberto Firmino, ndërsa krejt në fund zëvendësuesi Sven Schipplock ka shënuar golin e nderit për rezultatin përfundimtar të ndeshjes 1-2. 

Tabela aktuale dhe ndeshjet e radhës.

Video

Hoffenheim-Leverkusen 1-2

Goli i dytë i Bayer Leverkusen duke u shënuar nga Steffan Kissling, gol ky që u pranua nga referi, derisa topi futej nga rrjeta e shkyer