Juve atomike në fund

Juventus ka pasur një paraqitje fantastike sot në 20 minutat e fundit të takimit në Sant Ellia derisa kanë arritur që të përmbysin epërsinë e Cagliarit, për të mbajtur diferencën e pikëve me Romën. 

Nxënësit e Antonio Contes kanë qenë të befasuar kur Mauricio Pinilla kaloi në epërsi vendasit, mirëpo vetëm 10 minuta më vonë, Fernando Llorente ka shënuar për të barazuar në 1-1. 

Mirëpo, 20 minutat e fundit të ndeshjes kanë qenë fatale për vendasit kur Claudio Marchisio, Fernando Llorente dhe Stephan Lichtsteiner kanë shënuar nga një gol për fitoren 4-1 të biancocerëve. 

Me këtë fitore Juventus ka mbajtur Romën larg saj tetë pikë dhe vazhdon të shkojë me hapa të sigurtë drejt titullit të radhës, derisa trajneri i Manchester Unitedit nga tribunat shikonte për ndonjë përforcim të mundshëm. 

Rezultatet dhe tabela aktuale.