BEST OF
REUTERS
Suarez e Pellegrini, më të mirët e dhjetorit
11 January, 2014 @9:15
Kiliani Manuel Pellegrini për herë të parë në këtë stinor ka përjetuar çmimin e trajnerit të muajit në Premier League. Kiliani ka pasur një muaj të suksesshëm me ekipin e tij, duke shënuar 6 fitore nga 7 ndeshje të zhvilluara në dhjetor.
City ka mposhtur Swansea, WBA, Arsenal, Fulham, Liverpool dhe Crystal Palace, derisa ka barazuar ndaj Southamptonit në dhjetor - që ka çuar në ngritje të madhe të ekipit.
Sa i përket futbollistit, ai ka qenë padyshim Luis Suarez. Uruguajani ka shënuar gjysmën e golave të stinorit, vetëm në dhjetor.
Suarez ka shënuar nga dy herë ndaj Tottenhamit, Cardiffit dhe West Ham Unitedit, derisa katër herë ka shënuar në portën e Norwich Cityt.
