Juventus i sigurtë

Odiseada e Juventusit në kupat europiane ka vazhduar sonte në Juventus Arena, derisa bianconerët kanë mposhtur ekipin turk Trabzonspor 2-0 si vendas. 

Juventus përkundër se nuk shkëlqeu shumë me lojë, pasi shënoi golin e parë me anë të Pablo Osvaldos, ia lejoi disi zotërimin e lojës turqve dhe shikonte mundësitë me kundërsulme për të shënuar. 

Yjet në pjesën e dytë

Por kjo ishte gati t’i dilte dardhë me bisht ekipit të Antonio Contes, pasi që referi i ndeshjes anuloi një gol të Trabzonsporit, me arsyetim se topi ishte rikthyer në lojë nga vija e golautit. 

Sidoqoftë, me t’i parë këto Conte nuk rrezoi më shumë dhe futi në lojë treshen Fernando Llorente, Arturo Vidal e Sebastian Giovinco për të shënuar edhe një gol nëpërmjet Paul Pogbas në sekondat e fundit të takimit - sa për t’i shuar shpresat e turqve për një rikthim në Detin e Zi, pas një jave.