TALENTI
Kaçe kërkohet nga Southampton
11 June, 2014 @20:59
Mesfushori i talentuar i Shqipërisë, Ergys Kaçe, mund të përfundojë te befasia e këtij stinori të Premier League, Southampton. Borozani.com
Kështu ka njoftuar sot faqja greke, Makthes, transmetojnë mediat shqiptare. Aty thuhet se Kaçe është bërë synim i ekipit të Premier League.
Ikja e Morgan Schneiderlin dhe Gaston Ramirezit nga mesfusha ka bërë që drejtuesit e ekipit të kërkojnë shpëtim te talenti shqiptar që luan për PAOK-un e Greqisë.
Makthes ka bërë të ditur se drejtuesit e klubit grek po kërkojnë mbi 2 milionë euro si dëmshpërblim për shqiptarin, derisa ata kanë kërkuar leje nga klubi për të biseduar drejtpërdrejtë edhe me të riun shqiptar.
Southampton kishte bërë befasi të këndshme në Premier League këtë stinor duke arritur rezultate të kënaqshme. Trajnerin e saj, Mauricio Pochettino e morri Tottenhami, sulmuesin Rickie Lambert, Liverpooli, derisa njëri ndër më të kërkuarit, Adam Lallana pritet të shihet se ku do të përfundojë gjatë afatit kalimtar të verës.
