Kane shkëlqen, Tottenhami i afrohet kreut

Edhe pse vëmendja kryesore e mediave është tek treshja Klopp-Mourinho-Guardiola, në Premier League punë të mrekullueshme po bën Mauricio Pochettino.

Trajneri i Tottenhamit në ‘hije mediatike’ ka shënuar sot një fitore bindëse dhe të rëndësishme në takimin ndaj WBA-së, për t’u afruar kështu 4 pikë me Chelsean lider.

Me një formacion 3-4-3, duke e ‘imituar’ Chelsean e Contes, Tottenhami sot zhvilloi një ndeshje fantastike, me sulme të njëpasnjëshme e me lojë të shpejt, duke e shpartalluar totalisht skuadrën e WBA-së. Ndeshja u mbyll me rezultatin 4-0 vetëm falë portierit Ben Foster, i cili e shpëtoi skuadrën e tij në 5-6 raste të qindpërqindta.

Hat-trick shënoi nga Harry Kane, i dyti ishte autogol, ndërsa për t’u përmendur është paraqitja e danezit Christian Eriksen, i cili edhe sot ishte fantastik në fazën sulmuese. Duhet përmendur që me hat-trickun e shënuar sot, Harry Kane ka 13 gola në 13 ndeshjet e fundit në Premier League.

Me Chelsean që ndeshjen e vet nuk e luajtur ende, Tottenhami i është afruar dukshëm kreut.

TABELA AKTUALE PREMIER LEAGUE

Harry Kane Goal HD - Tottenham 1-0 WBA - 14.01… by emmapollard