KAPITENI I SHKUPIT
Orhan Ibishi te Besa
7 February, 2018 @15:48
Ekipi i futsallit nga Peja, FC Besa futsall, ka zyrtarizuar përmes një njoftimi në web faqen e saj lojtarin e ri të ekipit.
Ai është Orhan Ibishi, kapiteni i ekipit të Shkupit, kampion i Maqedonisë në këtë sport. Ai njashtu është edhe reprezentues i këtij shteti.
“Orhan Ibishi tani është duke punuar në shërbim të klubit Besa dhe është në gjendje të luaj në ndeshjen e gjysëmfinales së kupës së Kosovës në futsal kundër Liburnit në Pejë,” - ka bërë të ditur gjithashtu ekipi pejan.
Besa futsall përndryshe ka përfunduar pjesën vjeshtore të stinorit në pozitën e tretë të klasifikimit në Superligë, pas Feniksit dhe Liburnit.