Kemi merituar 10-shen!

Kapiteni, aktualisht i lënduar, i Real Madridit, Iker Casillas i cili ka befasuar shumëkë me paraqitje pas ndeshjes para reporterëve të shumtë ka thënë se ekipi i tij ka luajtur me notën 10 ndaj Barcelonës.

“Nuk do të komentojë Barcelonën. Do të koncentrohem te bashkëlojtarët e mi, sepse kanë qenë briliant. Kemi kontrolluar hapësirat dhe kemi qenë superior në mbrojtje. Cristiano ka qenë fenomenal, ndërsa ekipi në përgjithësi ka merituar notën 10, prandaj jemi finalistë,” ka thënë Iker Casillas për mediat pas ndeshjes. 

Përveç ndeshjes së mbrëmshme me fitoren e së cilës, Real arriti të eliminojë Barcelonën dhe u kualifikua për në finale, nuk munguan as pyetjet për Casillasin lidhur me ndeshjen e ardhshme, që gjithashtu Reali e luan kundër Barcelonën në kuadër të La Ligas. 

“Dallimi ndërmjet pikëve nuk është pasqyrim real i forcës së ekipeve, edhepse Barça ka qenë më e mirë në ligë. Ne dëshirojmë që ta shkurtojmë këtë distancë. Kanë ekip shumë të mirë, por besoj se kanë qenë pa fat këtë javë,” ka shtuar Casillas pas insistimit të gazetarëve që të komentojë ndeshjen e radhës.