Këndellet Trepça’89

Trepça’89 si duket është kthyer në formën e kërkuar. Ata kanë arritur që të dalin ballëlartë sot në duel me Drenicën, duke e mposhtur si mysafir 1-3 në Skenderaj. 

Përkundër se golin e parë në Bajram Aliu sot e shënuan vendasit, nëpërmjet sulmuesit të tyre të dalluar Qemal Elshani, mitrovicasit nuk u dorëzuan dhe luftuan për të fituar. 

Ekipi i Fahredin Durakut së pari barazoi për të shkuar në pushim 1-1, me anë të Bernard Kurtishajt, derisa në pjesën e dytë shënuan edhe dy herë për të realizuar fitoren e dytë me radhë që i ngrit ata në tabelë. 

Nazim Kurteshi dhe Blerand Kurtishaj shënuan në pjesë të dytë për fitoren e mitrovicasve, që aktualisht gjinden në pozitën e gjashtë, në mes të tabelës së Superligës. 

Rezultatet dhe tabela aktuale.