Klopp brenda javës te Liverpooli

Gjermani Jurgen Klopp është shumë afër që të plotësojë vendin e zbrazët të trajnerit të Liverpoolit, shkruajnë mediat angleze sot. 

Sky Sport ka kuptuar se negociatat e ekipit të trofeshëm anglez me trajnerin gjerman janë duke shkuar mirë dhe kanë avancuar mjaft, derisa besojnë se ai do të bëhet edhe zyrtarisht trajner i Liverpoolit brenda kësaj jave. 

Nëse gjithçka shkon mirë, Klopp pritet të sjellë edhe boshnjakun Zeljko Buvac bashkë me te, asistentin e tij nga Dortmundi, që njihet si truri i vërtetë i gjermanit pasi që ky e kishte përshkruar atë si mjeshtër të çdo forme të stërvitjes.