Koha për ndërrim taktike!

Humbja e djeshme e Barcelonës ndaj Realit nuk ka qenë aspak e pritur në taborin katalonas, por si duket kjo gjë ka filluar të shpeshtohet dhe tani më diku duhet të intervenohet. 

“Kemi pasur rastet në fillim, nuk i kemi shfrytëzuar, pastaj ata shënuan nga penalltia e pastër. Edhe në pjesën e dytë duke e kontrolluar ndeshjen, ata shënuan nga një kundërsulm - s’kemi çka të bëjmë, këto gjëra ndodhin,” ka thënë asistent trajneri i Barcelonës, Jordi Roura, pas ndeshjes së hubmur mbrëmë nga Real Madridi. 

Roura i cili po e zëvendëson përkohësisht trajnerin Tito Vilanova, që është detyruar ta lë ekipin derisa të shërohet, ka shtuar se tashmë Barcelona duhet të provojë taktika tjera ndaj Milanit. 

“Kur humb, mendon për ndërrimin e gjërave, natyrisht edhe ne kemi filluar të mendojmë për ndërrim të taktikës për ndeshje ndaj Milanit. Po, do të provojmë gjëra të reja,” ka thënë Roura. 

Fitorja e mbrëmshme e Real Madridit ka eliminuar Barcelonën nga Kupa e Mbretit të Spanjës. Real Madridi është finalisti i parë i kësaj gare.