Koha për t’u bërë kampion

Do të ishte një javë perfekte për gjigandin bavarez. Fitorja në ndeshjen derbi ndaj Eintracht Frankfurt, do t’ua siguronte titullin në javën që ata pothuajse siguruan edhe gjysmëfinalen e Ligës së Kampionëve duke e mposhtur Juventusin. 

Edhe gjashtë xhiro pa përfunduar stinori, Bayern mund të sigurojë titullin dhe të mendojë vetëm për Europë gjatë muajve të fundit të stinorit. 

“Nuk është normale se si ata luajnë. Janë duke punuar i tërë ekipi njejtë si në sulm ashtu edhe në mbrojtje. Janë më të mirë sesa në kohën e Louis Van Gaalit, këtë e ka bërë Jupp Heynckes,” ka komentuar Armin Veh, trajneri i Eintrachtit, para ndeshjes së nesërme. 

Bayern ka 20 pikë më shumë se Borussia Dortmund që gjindet në vendin e dytë.