Komenton interesimin e Realit për Icardin

Shefi i Interit, Luciano Spalleti, ka bërë të ditur për media se ka shenja pozitive që Mauro Icardi do të refuzojë interesimin e Real Madridit dhe do të nënshkruajë vazhdim të kontratës me ekipin e tij aktual.

Marca ka raportuar të shtunën se Reali është i interesuar për një yll tjetër, pas shitjes së Cristiano Ronaldos drejt Juventusit, ndërsa Gazzetta dello Sport beson se Icardi do të vazhdojë me neroazzurrët.

“Ka profesionistë të veçantë, pika referente në ekip, që janë të përcaktuar të rriten me ekipin. Tash pas kualifikimin në Ligë të Kampionëve, ne kemi arritur një pikë tjetër. Shoqërimi mes lojtarëve dhe stafit na ka sjellë këtu dhe grupi është me rëndësi,” i ka thënë Spalletti RAI-t.

“Natyrisht, ai do të rishikon kontratën, por të gjitha sinjalet janë pozitive për të vazhduar. Ai duhet të qëndrojë këtu,” ka shtuar trajneri i Interit.