FIFA RANKINGS
Kosova, shteti me ngjitjen më të madhe!
20 December, 2018 @10:38
Pak para përmbylljes së vitit kalendarik, FIFA ka publikuar një raport në lidhje me ngjitjen apo rënien në ranglistë të përfaqësueseve përgjatë vitit 2018.
Në artikullin e FIFA-së shkruan që Kosova është shteti që ka bërë ngjitjen më të madhe në vitin 2018, duke u ngjitur plot 46 vende në ranglistën e përgjithshme të FIFA-së, një arritje fenomenale.
Kosova ka kryer vitin në pozitën e 131-të të rendijes së FIFAs, dhe do të nis vitin nga kjo pozitë me shpresë që gjatë vitit të ardhshëm në kuadër të kualifikimeve për EURO 2020 të bëj edhe hapa më të mëdha ashtu që të futet në TOP 100-shen e botës. Në janar 2018 Kosova ka qenë në pozitën e 177-të, ndërsa tash janarin e 2019s e pret në pozitën e 131-të.
Ranglistës së FIFA-së për vitin 2018 i prin Belgjika, ndërsa në përgjithësi ngritje gjatë vitit 2018 kanë pasur përfaqësueset nga kontinenti i Evropës.
Përditësimi i ardhshëm i ranglistës do të bëhet më 7 shkurt 2019.
