Kosova tregohet “Modeste” ndaj Estonisë

Vashat e Kosovës, në ndeshjen në kuadër të kualifikimeve për Euro 2021, kanë mposhtur Estoninë me rezultat 1-2.

Kosova pësoi golin e parë nga pika e bardh në minutën e 22’ nga lojtarja Katrin Loo, mirëpo këndellja e vashava tona nuk u vonua.

Së pari në minutën e 41’ Modesta Uka e barazoi rezultatin në 1-1, e më pas përsëri Modesta ishte ajo që e kaloi skuadrën në epërsi në minutën e 56’ dhe kështu u mbyll ndeshja me rezultat 1-2 në favor të Kosovës.

Kjo ishte fitorja e dytë e vashave të Kosovës në 3 ndeshjet e zhvilluara, derisa me një ndeshje më pak aktualisht gjenden në pozitën e katërt në Grupin A.

Ndeshja e radhës e Kosovës do të jetë kundër Sllovenisë, nga e cila Kosova ishte mposhtur në ndeshjen e parë me rezultat 5-0.