Kosova U21, në kërkim të kryesimit të grupit

Sonte djelmoshat e drejtuar nga Rafet Prekazi të Kosovës U21 do t’i dalin përballë bashkëmoshatarëve të tyre turk në Fadil Vokrri.

Kjo është ndeshja e dytë e ciklit kualifikues për EURO 2021 të shpresave në Evropë, ndërsa Kosova U21 përballjen e parë të saj në këto kualifikime e fitoi ndaj Andorrës si mysafire 4-0.

Tash Kosova U21 është nikoqire e Turqisë U21, që bashkë me Anglinë U21 llogariten favorite të grupit kualifikues. Aktualisht, Turqia U21 ka 4 pikë nga dy ndeshje, ndërsa Kosova U21 ka 3 pikë nga një ndeshje.

Me një fitore sonte, Kosova U21 do të merrte lidershipin e grupit. Sonte në ora 20:00 në Fadil Vokrri në përkrahje të shpresave për një triumf, që do të ishte madhor për ekipin e Prekazit.