Krasniqi merr drejtimin e Prishtinës

Pas tre ndeshjeve pa fitore, Bylbyl Sokoli u largua nga posti i trajnerit të Prishtinës, ndërsa sot në konferencë për shtyp të organizuar nga klubi bardhekaltër, si trajner i ri u prezentua Ramiz Krasniqi. 

Krasniqi, së fundi në Superligë ishte trajner i Ferronikelit në stinorin e shkuar kur me këtë ekip fitoi Kupën e Kosovës, ndërsa në konferencë për shtyp ka bërë të ditur se kush nuk e djersit fanellën e Prishtinës nuk do të ketë vend në klub. 

Për më tepër, kontrata e Prishtinës me Krasniqin nuk ka afat dhe ai do të mbetet trajner i bardhekaltërve, derisa rezultatet të jenë të kënaqshme për klubin. 

Ndeshja e parë e Ramiz Krasniqit si trajner i Prishtinës është ndaj Istogut, derisa pas kësaj pret Dritën. 

Prishtina është në vend të tretë të tabelës me 39 pikë nga 23 ndeshje, 8 më pak se lideri Ferronikeli.