Krejt ndryshe ndaj Luksemburgut

Selektori i Shqipërisë, Gianni De Biasi, ka thënë se ekipi i tij do të duket krejt ndryshe në përballje ndaj Luksemburgut, ka bërë të ditur Panorama Sport sot.

Në konferencën për shtyp të mbajtur në zyret e stadiumit të Luksemburgut një ditë para miqësoret italiani ka thënë se do të ketë formacion tjetër në këtë ndeshje.

“Do të kemi disa ndryshime në raport me ndeshjen e parë kundër Austrisë. Do të aktivizohen një pjese e futbollistëve që nuk luajtën në takimin e parë,” ka thënë De Biasi.

“Do të provoj diçka ndryshe sepse kundërshtarët nuk janë të njejtë,” ka shtuar ai.

Shqipëria u mposht nga Austria 2-1 në Vienë, ndërsa nesër ndeshet me Luksemburgun.