Kreshnik Uka bën Drenicën lidere të Superligës

Sulmuesi i Drenicës, Kreshnik Uka, është përkujdesur për ekipin e tij që të arrijë fitoren sot ndaj Ulpianës si mysafir dhe kështu Drenica ka marrë lidershipin në Superligë, pastër.

Drenica ka mposhtur Ulpianën si mysafir 0-1 [Kreshnik Uka 90] me golin e sulmuesit Uka në minutën e fundit të lojës.

Fitorja ka bërë që Drenica të kalojë në vendin e parë në tabelë, pa asnjë ndjekës me pikë të njëjta.

TABELA AKTUALE

Kuqezinjtë kishin edhe më shumë raste në lojë, prandaj fitorja e tyre nuk është edhe befasuese karshi ekipit të drejtuar nga Edlir Tetova.

Ulpiana në anën tjetër, pos disa gjysmërasteve nuk arriti të krijojë më shumë për të rrezikuar portën e Haxhijajt.

Derisa Drenica është e para në tabelë pas xhiros së katërt të Superligës, Ulpiana është në ekstremin e poshtëm.