KROACIA - DANIMARKA

Foto: FIFA/fb/tw
Kroacia përpara, pas dramës në penallti
1 July, 2018 @22:33
Dy golat më të shpejt të Botërorit i shënuan, por pas kësaj patën raste vetëm gjysmake dhe çuan ndeshjen në vazhdime.
Kroacia dhe Danimarka nuk dhanë shumë nga ajo që pritej gjatë ndeshjes ndërsa në vazhdime dominoi lodhja, derisa Ante Rebic kaloi Kasper Schmeichelin doli prapa mbrojtjes dhe shkonte te goli, kur Mathias Jorgensen startoi për të bërë penallti.
Luka Modric shutoi dhe Kasper Schmeichel mbrojti penalltinë e kroatëve për të çuar ndeshjen në penallti.
E në penallti, heronjë të vërtetë kanë qenë portierët, Daniel Subasic i Kroacisë dhe Kasper Schmeichel i Danimarkës, të cilët mbrojtën penallti dhe çuan dramën deri në fund, kur Ivan Rakitic, shënoi penalltinë e fundit për kroatët për t’i çuar ata në çerekfinale.
Kroacia do të ndeshet me organizatorin, Rusinë në çerekfinale, ndërsa Danimarka eliminohet nga Botërori.
PENALLTITË:
KROACIA | DANIMARKA | ||
Milan Badelj | mbron portieri danez | shtylla | Christian Erikssen |
Andrej Kramaric | GOL | GOL | Simon Kjaer |
Luka Modric | GOL | GOL | Michael Krohn-Dehli |
Josip Pivaric | mbron portieri danez | mbron portieri kroat | Lasse Schone |
Ivan Rakitic | GOL | mbron portieri kroat | Nicolai Jorgensen |